Freitag, 20. November 2026

Publius Vergilius Maro, Aeneis

Ille ego, quī quondam gracilī modulātus avēna
carmen, et ēgressus silvīs vīcīna coēgī
ut quamvis avidō pārērent arva colōnō,
gratum opus agricolīs, at nunc horrentia Mārtis

Arma virumque canō, Trōiae quī prīmus ab ōrīs
Ītaliam, fātō profugus, Lāvīniaque vēnit
lītora, multum ille et terrīs iactātus et altō
vī superum saevae memorem Iūnōnis ob īram;
multa quoque et bellō passus, dum conderet urbem,
īnferretque deōs Latiō, genus unde Latīnum,
Albānīque patrēs, atque altae moenia Rōmae.